Сапраўдны Дзед Мароз жыве ў Кобрыне — вынiкi «Ёлка-Фэст 2022»

У Нацыянальным цэнтры мастацкай творчасці дзяцей і моладзі адбыўся фінал рэспубліканскага агляду-конкурсу Дзядоў Марозаў і Снягурак «Ёлка-Фэст 2022», аб яго вынiках паведамляе Кобрынскі раённы цэнтр дзіцячай творчасці.

Каманда Кобрынскага раённага цэнтра дзіцячай творчасці прадставіла аўтарскую сюжэтна-гульнявую праграму на беларускай мове «Сапраўдны Дзед Мароз» у Мінску.

Па выніках фіналу рэспубліканскага агляду-конкурсу «Ёлка-Фэст 2022» у намінацыі «Лепшая навагодняя сюжэтна-гульнявая праграма» творчы калектыў Кобрынскага РЦДТ атрымаў дыплом ІІ ступені.

Кобрынская творчая каманда раскрыла вобраз сапраўднага беларускага Дзеда Мароза з непаўторным нацыянальным каларытам, якi мае магчымасць аднавiць веру ў цуды. Інтэрактыўныя гульні з дзецьмі, флэшмоб і аўтарскія песні дадалi праграме яскравасцi і самабытнасцi.

Фото i вiдэа: Кобрынскі раённы цэнтр дзіцячай творчасці